رۆژی 4 شەمە 9/2/2022 لە سێ کۆبوونەوەی جیاوازدا سەرۆکی پەرلەمانی کوردستان د. ریواز فائق و د. هیمن هەورامی جگری سەرۆکی پەرلەمان و خاتوو مونا قاوەچی پێشوازیان لە وەفدێکی گروپی ئاشتی ژنانی سەرکردە لە کوردستاندا کرد. لەو کۆبوونەوانەدا پاش گفتوگۆکردن لە بارودۆخی ژنان و بە تایبەتیش لە ناوەندەکانی بریاردا، گروپی ئاشتی ژنانی سەرکردە پرۆژە یاسایەکیان دەرارەی دانانی سستمی کۆتا بۆ ژنان لە ناوەندەکانی بریاری حکومەتی هەرێمی کوردستاندا پێشکەش بە ئەندامانی سەرۆکایەتی پەرلەمانی کوردستان کرد و بەڵێنیان دا کە هەوڵێکی جیدی دەدە بۆ سەرخستنی ئەو پرۆژەیە.
شایانی باسە ئەم پرۆژەیە یەکێک بوو لە راسپاردەکانی پێنجەمین دیداری ژنانی سەرکردە لە کوردستاندا کە لە 14/12/2021دا گروپی ئاشتی ژنانی سەرکردە بە هەماهەنگی و پاڵپشتی رێکخراوی ئێمە بۆ گەشەپێدانی مرۆیی ئەنجامی دا.
