ڕێکخراوی ئێمه بۆ گەشەپێدانی مرۆیی لە ساڵی ٢٠١٣ لە شاری هەولێری پایتەختی هەرێمی کوردستان لەلایەن سێ چالاکوانی ژنەوە دامەزراوە؛ د. بەیان قادر ڕەسوڵ و بەهار عەلی و کانیاو بایز .
ئامانجی سەرەكی لە دامەزراندنی رێكخراوی ئێمە، بۆ (بۆ چونە رێزی هەموو ئەو رێكخراو و گروب و هەوڵانەیە كه لە دوای راپەرینەوە كاردەكەن بۆ بەرەوپێشبردنی رەوشی ژن لە بواری كۆمەڵایەتی و سیاسی و ئابووری..).
رێكخراوی ئێمە لەم بوارانەدا كاردەكات:
1.هێنانەدی ژینگەیەکی یاسایی كە زامنی هێنانەدی یەكسانی جێندەری بكات.
2.بەهێزكردن و شیاندنەوەی ژنان و كچانی رزگاربووی تووندوتیژی لەسەر بنەمای جێندەری.
3. دابینکردنی خزمەتگوزاری و سەرچاوەکانی تەندروستی دەروونی و مافەکان و تەندروستی زایندهی .
4. بەشداری ژنان لە بونیاتنانی ئاشتی و بڕیاردانی سیاسی و ئابووری و ژینگەیی.
5. كاركردن بۆ ئیدماجكردنی یەكسانی جێندەری لە دام و دەزگاكانی حكوومەت.
6.بەهێزكردنی بزووتنەوەی فێمێنیزم لە كوردستان.
7. هوشیار كردنهوهی كۆمهڵكا دهربارهی مافهكانی ژنان
-رێكخراوی ئێمە باوەڕی بە كاری هاوبەش و هەماهەنگی هەیە، لە نێوان هەموو كەسایەتی +حكوومی+ناحكوومی، ئاژانسە نێودەوڵەتیەكان هەیە. كە لە سەر مەسەلەی ژنان كاردەكەن، هەر بۆیە ناوی رێكخراوی ئێمە لەسەر ئەو بنەمایە ناونراوە:
كەمتر لە ساڵێك لە دروستبوونی رێكخراوی ئێمە، داعش ناوچەیەكی فراوانی لە خاكی عیراق كە بەشێك لە ناوچە كوردستانیەكانی دەرەوەی ئیدارەی هەرێم داگیركرد.
دەرئەنجامی ئەم داگیركارییە، ئەنجامدانی جینۆساید بوو دژ بە پێكهاتەكان و بەتایبەت كوردانی ئێزیدی، قوربانییەكی زۆری لێكەوتەوە، لەنێویاندا زیاتر لە نزیكەی (6417)كەوتنە دەست داعش، 3548 ژن و 2869 پیاو ، 2768 چارەنووسیان نادیارە.
هەربۆیە رێكخراوی ئێمە وەك كاردانەوەیەك بۆ كهمكردنهوهی كاریگهری جینۆساید ، دهستپێشخهری كرد له هاوكاریكردنی ئاوارهكان به گشتی و به تاسیبهتی ژنان و كچانی گەنج-ی ئێزیدی و پێكهاتەكانی دیكە، دەستی بەكاركردن كرد لە شاری هەولێر+دهۆك و زۆربەی ئەو شاروشارۆچكان وكەمپی ئاوارەكان، كە رزگاربووانی جینۆساید و تووندوتیژی لەسەر بنەمای جێندەر-سێكسی، تێدا نیشتەجێبوون.
سەرجەم خزمەتگوزارییەكان لە رێگە تیمە راهێنراوەكانی ئێمە، لە سەنتەرە كۆمەڵایەتیەكانی ناوشار و شارۆچكەكان و كەمپەكان پێشكەشدەكرێت، تا ئێستاش بەردەوامە.
خزمەتگوزارییەكان كە لە سەنتەرە كۆمەڵایەتیەكان پێشكەش دەكرێت .
یەكەم: پاڵپیشتی دەروونی و کۆمەڵایەتی تێدا چالاكی كۆمەڵایەتی جۆراو جۆر پێشكەش دەكرێت. بریتین لە:خولی نەهێشتنی نەخوێندەواری،كۆمپیوتەر، فێربوونی زمان، بەرگدووری، هونەر.
دووەم: خزمەتگوزاری یاسایی كە بەدواداچوون بۆ كەیسەكان دەكرێت، تا كۆتایی كەیسەكەی.
سێیەم: هۆشیاریكردنەوەی ژنان و خێزانەكان و كۆمەڵگەی دەوروبەریان لەبارەی مافی ژن و نەهێشتنی تووندوتیژی و جیاكاری دژ بە ژن.
سوودمەندبووان لە پرۆژەكانی نێو سەنتەرەكانی رێكخراوی ئێمە
شاری هەولێر، دهۆك (سەنتەری هاوكاری+سەنتەری شێخان+سەنتەری شاریا+سەنتەری دهۆك+سەنتەر لەناو كەمپەكانی بەحركە+هەرشەم شێخان+شاریا+مام رەشان+ئیسیان+داودییە+قادیا+بەرسڤ+ئاكرێ)
یەكەم: خزمەتگوزاری راستەوخۆی ناو سەنتەرەكان
26،178 هەزار بیست و شەش هەزار و سەد و حەفتاو هەشت كەس خزمەتگوزاری راستەوخۆیان وەرگرتووە
دووەم: هۆشیاركردنەوەی ژنان و كۆمەڵگەكان(ئاوارە و خۆجێیی یەكسانی ژنان و نەهێشتنی تووندوتیژی- لەسەر بنەمای جێندەر.
28،929 بیست و هەشت هەزار و نۆسەد و بیست و نۆهەزار كەس سوودمەندبووان بوون.
سێیەم: تواناسازی فەرمانبەران (راهینان) و كارمەندانی داموودەزگاكانی حكوومەت و لایەنە پەیوەندیدارەكان دەربارەی تووندوتیژی دژ بە ژنان، چۆنیەتی مامەڵەكردن لەگەڵ رزگاربووان.
728 حەوت سەد و بیست و هەشت كەس سوودمەندبوونە.
-پرۆژەی بچووكی بژێوی
142 كەس سوودمەند بوو.
رێكخراوی ئێمه بروای وایه نههێشتنی جیاكاری و ههموو شێوازێكی توندوتیژی دژ به ژنان و هێنانهدی یهكسانی پێویستی به ژێرخان و دامهزراوهی حكومی بههێز ههیه، بۆیه به ههماههنگی لهگهڵ گروپی ئاشتی ژنانی سهركرده دهستپێشخهری كرد بۆ گفتوگۆكردن لهگهڵ وهزارهتی پهروهردهی حكومهتی ههرێمی كوردستان بۆ دروستكردنی یهكهی جێندهری لهو وهزارهتهدا و به سوپاسهوه له ساڵی 2017 وهزیری پهروهرده بریاری به دروستكردنی دا و ساڵی دواتر لهسهر پێشنیاری ئهنجوومهنی باڵای كاروباری خانمان یهكهی جێندهر له 9 وهزارهتی تردا كرایهوه و له ناویاندا وهزارهتی پێشمهرگه و تا ئێستا رێكخراوی ئێمه ههماههنگی لهگهڵیاندا ههیه بۆ بهرهو پێشچوونی كارهكانیان.
ههر لهم بوارهدا رێكخراوی ئێمه به بهردهوامی لهگهڵ زۆر له دهزگا تایبهتهكانی حكومهت كه تایبهتن به هێزكردن و پاراستنی ژنان شهریك و ههماههنگهو كاری هاوبهش ئهنجام دهدهن، لهوانه:
ئهنجوومهنی باڵای خانمان و گهشهپێدان كه رێكخراوی ئێمه بهشدار بوو له دارشتنی پلانی نیشتمانی بۆ جێبهجیكردنی بریاری 1325و ههرهوهها ئهندانی بۆردی ههرێمی كوردستانه بۆ ئهم بریاره.
وهزارهتی ناوخۆ به تایبهتی بهرێوهبهرایهتی بهرهنگاربوونهوهی توندوتیژی دژ به ژنان .
وهزارهتی كار و كاروباری كۆمهڵاتی به دیاریكراوی شهڵتهرهكان و چاكسازی ژنان
وهزارهتی تهندروستی كه له بواری نههێشتنی خهتهنهكردنی كچان و راهێنانی كارمهندانیان به مافی تهندروستی زایندهی باشكردنی خزمهتگوزاریهكانیان بۆ ژنان.
له سۆنگهی بروای تهواوی رێكخراوی ئێمه له لایهك بهوهی بههێزی و یهكریزی بزووتنهوهی ژنان زهمانهتی هێنانهدی یهكسانی و تهواوی مافهكانی ژنانه و له لایهكی لهم پهرت و بڵاوییهی نێو ماڵی كوردستان و به تایبهتیش نێو ماڵی كورد، یهكریزی و ههماههنگی ژنان دهتوانێت كاریگهریهكانی ئهو پهرتهوازهییه تا رادهیهك كهم بكاتهوه. ههر بۆیه رێكخراوی ئێمه ههر له ساڵانی سهرهتای دروستبوونیهوه هاوكار و شهریكی گروپی ئاشتی ژنانی سهركرده له كوردستان كه ساڵی 2011 دروست بوهو پێك هاتووه له كۆمهڵێك ژنی سهركردهی كوردستان له سهرجهم پارته سیاسیهكان و پله باڵانی ههرێمی كوردستان.
جێگهدهستی ئهم گروپه له بهرنامهی كاری حكومهتهكانی ههرێمی كوردستان و گهیشتنی ژنان به ناوهندی بریار زۆر دیاره.
ئهو كارانهی گروپی ئاشتی به ههماههنگی لهگهڵ رێكخراوی ئێمه ئهنجامی داوه، دیداری ساڵانهی ژنانی سهركرده له كوردستان و كۆنفرانسی سالانهی لالش بۆ ئاشتی و پێكهوه ژیان و پرۆژهی ههموواری یاسای پارته سیاسیهكانی كوردستان بوودجهی پارته سیاسیهكان به شێوازێك زامنی بهشداری ژن له ناوهندی بریاری پارته سیاسیهكان و حكومهت و دهزگاكانی تری ههرێمی كوردستان.
ههروهها رێكخراوی ئێمه دهستپێشخهر بوو له گفتوگركردن له گهڵ ناوهندیكی فراوانی رێكخراوهكانی ژنان و ژنانی چالاكوان بۆ دروستكردنی ناوهندێكی ههماههنگی و كار و ههڵمهتی داكۆكیكردنی هاوبهش بۆ هێناههدی یهكسانی له سهر ئاستی ههرێمی كوردستاندا و له پاش 3 ساڵ له گفتوگركردن هاوپهیمانی ژنانی كوردستان دروست بوو كه زۆربهی رێكخراوهكانی ژنان له كوردستان و دهیان كهسایهتی چالاكوانی مافهكانی ژنانی تێدایه و رۆڵێكی گهوره دهبینێ له داكۆكیكردن له مافهكانی ژنان و رووبهروبوونهوهی ئهو ئهو رهوته كۆنهپهرستهی كه دهیهوێت دهستكهوتهكان و پێشكهوتنی ژنان له كوردستان له ناو ببات.
