پەیوەندی بكە: 07507613136 | ئیمەیل: info@emmaorg.me

یه‌كه‌مین كۆبوونه‌وه‌ی بۆردی جێبه‌جێكردنی بڕیاری 1325 له‌ هه‌رێمی كوردستان و پلانی حكومه‌تی هه‌رێمی كوردستان بۆ ئافره‌ت، ئاشتی، ئاسایش له‌ هه‌ولێر به‌ڕێوه‌چوو

ئەم بابەتە بڵاوبكەوە:
Image
ژن و ئاشتى, هەواڵ,
بە ئامادەبوونی  ڕێبەر ئەحمەد وەزیری ناوخۆی حكومەتی هەرێمی كوردستان و سەرۆكی بۆردی 1325 لە هەرێمی كوردستان، د. خانزاد ئەحمەد ئەمینداری گشتی ئەنجومەنی باڵای خانمان و گەشەپێدان، دینا زۆربا نوێنەری UN-Women لە عێراق و یەمەن، ئێوارەی یەكشەممە 19/6/2022 بەبۆنەی رۆژی جیهانیی بەرەنگاربوونەوەی توندوتیژیی سێكسی لەكاتی ململانێكاندا، كۆبوونەوەی بۆردی 1325 ی هەرێمی كوردستانی عێراق بۆ جێبەجێكردن، پلانی ئافرەت، ئاشتی، ئاسایش بەڕێوەچوو.
سەرەتا د.خانزاد ئەحمەد ئەمینداری گشتی ئەنجومەنی باڵای خانمان گرنگی پلانه‌كه‌ی خسته‌ڕوو، بۆ ئه‌وه‌ی ئاوڕێكی جددی له‌ كچان و ژنانی رزگاربوو بدرێته‌وه‌و كۆمه‌ڵگه‌ی نێوده‌وڵه‌تی هاوكاربن و حكومه‌تی عێراقی فیدراڵ به‌رپرسیاریه‌تی خۆی جێبه‌جێ بكات بۆ سه‌رخستنی ئه‌م پلانه‌‌.
دواتر بەرێز ڕێبەر ئەحمەد وەزیری ناوخۆی حكومەتی هەرێمی كوردستان و سەرۆكی بۆردی 1325 لە هەرێمی كوردستان، باسی لە گرنگی جێبەجێكردنی قۆناغی دووەمی بڕیاری 1325 لە هەرێمی كوردستان و هەوڵ و كۆششەكانی حكومەتی هەرێم بۆ جێبەجێكردنی بڕیارەكە كرد له‌ به‌رژه‌وه‌ندی رزگاربوواندا. هه‌روه‌ها سوپاسی ئەنجومەنی باڵای خانمان و گەشەپێدانی كرد، كە لە ماوەیەكی گونجاودا توانیان ئەكشن پلانی خۆیان بۆ جێبەجێكردنی بڕیاری 1325 ئافرەت ئاشتی ئاسایش، رابگەیەنن و بەهاوكاری رێكخراوەكان و وەزارەتە پەیوندیدارەكان جێبەجێ بكرێت.
لە تەوەرێكی تری وتەكانیدا وەزیری ناوخۆ گووتی: داوامان لە وڵاتان و کونسوڵخانەکان و حکومەتی فیدراڵ کردووە هاوکاربن لە جێبەجێکردنی رێککەوتنی شنگال، جەختمان لەسەر ئەوە کردەوە کە ئیتر بەسە لە چوارچێوەی هۆڵی کۆنفرانس و پڕۆژەکان دەربچین و بچینە بواری کرداری و جێبەجێکردنی ئەو بەڵێنانەی کە کۆمەڵگەی نێودەوڵەتی و حکومەتی عێراق و لایەنەکانی دیکە بەو خەڵکەیان دابوو بەسەربەرزی بگەڕێنەوە زێدی باب و باپیرانیان بە تایبەتی لە شنگال کە زیاتر لە هه‌شت ساڵە لە کەمپەکان دەژین.
بڵاوكراوەتەوە لە لایەن Emma Organization
Image
Emma Organization for Human Development was founded in 2013 by three female activists with a vision to advance the role of women in society, promote gender equality and empower women in Kurdistan. “Emma” is a Kurdish term meaning (WE) and is the concept by which this organization functions as a unit working together as "One Team" from different cultural backgrounds and religious beliefs to achieve goals and rebuild lives.

بابەتە هاوشێوەكان: