رۆژی ٦ی حوزەیران رێکخراوی ئێمە بۆ گەشەپێدانی مرۆیی، بە هاوکاری میدیکا مۆندیال، سەردانی بۆسنای کرد بۆ بەشداریکردن لە گفتووگۆ و لێتێگەیشتن لەگەڵ رێکخراوی میدیکا زینکا، کارکردن و سوودوەرگرتن لە ئەزموونی لەیەکچوو و جیاوازییەکان و چۆنیەتی مامەڵەکردن لەگەڵ کەیسی رزگاربووانی دەستدرێژی سێکسی بۆسەر ژن و کچان لە کاتی جەنگ و ململانێیەکان.
وەفدی کوردستان پێکهاتبوو لە ئەمینداری ئەنجوومەنی باڵای خانمان و گەشەپێدان، نوێنەری وەزارەتی کاروکاروباری کۆمەڵایەتی،. نوێنەری فەرمانگەی پەیوەندییەکانی دەرەوە و نوێنەری ئێزدییەکان ، کەسانی شارەزا و بە ئەزموون لەبواری جینۆساید و دەستدرێژی سێکسی لەکاتی جەنگ و ململانێیەکان.
رۆژی یەکەمی سەردانە وەفدی ئێمە سەردانی ئۆفیسی سەرەکی رێکخراوی میدیکا زینکای کرد لە زینکا لە بۆسنا، سەرەتای دەستپێکردنی چالاکی و بەرنامەی کارەکان پێشکەشکردنی کورتەیەک بوو لەبارەی رێکخراوەکە، پاشان لە گفتووگۆییەکی کراوە، وەفدی رێکخراوی ئێمە و پەیوەندیدار لە کوردستان ئاڵوگۆڕی ئەزموونی یەکتریان کرد بۆ سوودوەرگرتن لەبارەی شێوازی کارکردن و چۆنیەتی کاری پێکەوەیی.