ئەمڕۆ رێکەوتى 17ـى 11ـ 2022 لە شارى هەولێر، سەنتەرى تویژێنەوەى سیاسى و ستراتیژى لە کۆلێژى زانستە سیاسیەکان، لە هۆڵێ د.خالید سەعید، پانێڵێکى رێکخست، بۆ هەریەک (د.ڤیان سلێمان، بەهار عەلى، د.چنار بابکر)، لە پانێڵێکدا لەبارەى خوێندنەوەى جیاواز بۆ پرسى ئافرەت لە جیهان و هەرێم). هەریەک لە پانێڵستەکان بەبابەتێکى جیاواز بەشداریان کرد، (بەهار عەلى) بەرێوەبەرى رێکخراوى ئێمە بۆ گەشەپێدانى مرۆیی، بە بابەتى( مێژووى شەپۆڵەکانى فێمێنیزم لە جیهان و هەرێمى کوردستان) بە وردى تیشکى خستەسەر دەرکەوتنى بزووتنەوەى فێمێنیزم لە جیهان و شەپۆڵەکانى، لە بەشێکى دیکەى ئاماژەى بە مێژووى بزووتنەوەى فێمێنیزم لە کوردستان کرد، بەربەست و کێشەکانى بەردەم ئەو بزووتنەوەى بە وردى خستەڕوو.
لە کۆتای پانێڵەکەدا بەشداربووان بە سەرەنج و پرسیارەکانیان گفتووگۆ و پانێڵەکەیان فراوانتر کرد.
