پەیوەندی بكە: 07505520464 | ئیمەیل: info@emmaorg.me

له‌سه‌ر ئاستی‌ وڵاتانی‌ عه‌ره‌بیدا کچە پزیشکێکی‌ كورد پله‌ی‌ پێنجه‌می‌ به‌ ده‌ست هێنا

ئەم بابەتە بڵاوبكەوە:
Image
چالاکیەکان, داکۆکی, هەواڵ,
پزیشكێكی‌ كورد له‌سه‌ر ئاستی‌ وڵاتانی‌ عه‌ره‌بیدا، پله‌ی‌ پێنجه‌م و له‌سه‌ر ئاستی‌ عێراقیش پله‌ی‌ یه‌كه‌م به‌ ده‌ست ده‌هێنێت، دوای‌ ئه‌وه‌ی‌ له‌ تاقیكردنه‌وه‌یه‌كدا به‌ ئاماده‌بوونی‌ نزیكه‌ی‌ 300 پزیشك به‌شداریی‌ كرد.
د. ئاڵا عومەر پزیشكی‌ ده‌ستنیشانكردنی‌ نه‌خۆشییه‌كان به‌ تیشك و سۆنه‌ر، به‌ “وشه‌”ی‌ راگه‌یاند، ساڵانه‌ بۆردێكی‌ عه‌ره‌بی‌ كه‌ به‌رانبه‌ره‌ به‌ دكتۆرا ئه‌نجام ده‌درێت، له‌ كۆتاییه‌كه‌یدا تاقیكردنه‌وه‌ ده‌كرێ و 10 یه‌كه‌م له‌سه‌ر ئاستی‌ هه‌موو وڵاتانی‌ عه‌ره‌بی‌ دیاری‌ ده‌كرێن.
ڕوونیشی‌ كرده‌وه‌ كه‌ بۆ ئه‌مساڵ، ئه‌و له‌ 10 یه‌كه‌مه‌كه‌یه‌ له‌سه‌ر ئاستی‌ وڵاتانی‌ عه‌ره‌بی‌ و پله‌ی‌ پێنجه‌می‌ به‌ده‌ست هێناوه‌، لەسەر ئاستی عێراقیش پلەی یەكەمی بە دەست هێناوە. له‌ هه‌رێمیش هه‌ر ئه‌و به‌شداری‌ كردووه‌.
د. ئاڵا عومەر ئاماژه‌ی‌ بۆ ئه‌وه‌یش كرد، ساڵانه‌ ئه‌و تاقیكردنه‌وه‌یه‌ له‌ ئوردن ده‌كرا، به‌ڵام ئه‌مساڵ به‌هۆی‌ دۆخی‌ كۆرۆناوه‌ له‌ به‌غدا پرۆسه‌كه‌ به‌ڕێوه‌ چووه‌.
به‌ گوته‌ی‌ ئه‌و پزیشكه‌، نزیكه‌ی‌ 300 پزیشك له‌سه‌ر ئاستی‌ وڵاتانی‌ عه‌ره‌بی‌ به‌شدارییان كردووه‌.
له‌ هه‌رێمی‌ كوردستاندا ژماره‌یه‌ك زۆر له‌ پزیشكی‌ پسپۆڕ هه‌ن، به‌ڵام كه‌من ئه‌وانه‌ی‌ به‌شداری‌ له‌ فێستیڤاڵ و تاقیكردنه‌وه‌ نێوده‌وڵه‌تییه‌كان ده‌كه‌ن.
بڵاوكراوەتەوە لە لایەن Emma Organization
Image
Emma Organization for Human Development was founded in 2013 by three female activists with a vision to advance the role of women in society, promote gender equality and empower women in Kurdistan. “Emma” is a Kurdish term meaning (WE) and is the concept by which this organization functions as a unit working together as "One Team" from different cultural backgrounds and religious beliefs to achieve goals and rebuild lives.

بابەتە هاوشێوەكان: