ئەمڕۆ ١٩ ی ئەیلول لە شاری هەولێر، تامی ئامیز، بەرێوەبەری نووسینگەی باڵوێزخانەی کەنەدا لە عیراق،هەولێر، پێشوازی کرد لە دامەزرێنەری رێکخراوی ئێمە(بەهار عەلی)، ئاڤان فارس لە بەشی پەیوەندییەکان و راگەیاندن.
لە کۆبوونەوەی نێوانیان گفتووگۆ لەبارەی کاروچالاکیەکانی رێکخراوی ئێمە و هەوڵەکانیان بۆ بەرەنگاربوونەوەی تووندوتیژی، پێشکەشکردنی هاوکاری یاسایی، کۆمەڵایەتی، دەروونی بە رزگاربووانی تووندوتیژی دەستدرێژی سێکسی کرا.
لە بەشێکی دیکەی گفتووگۆکەیان، باس لە هەوڵی رێکخراوەکانی بواری ژن و جێندەر کرا، سەبارەت بە کارکردنیان لە بواری یەکسانی، هەڵمەتی داکۆکیکردن لە دۆزی ژن، گەشەپێدانی فێمێنیزم لە کوردستان.
